ዲቪ-2027 እንደገና ቆመ፦ ይግባኝ ሰሚ ፍርድ ቤቱ ሎተሪው እንዲከፈት የተሰጠውን ትዕዛዝ አገደ

ምን ተከሰተ፦ ጥቅምት 19 ቀን 2019 ዓ.ም. (29 October 2026) የአሜሪካ ዘጠነኛው ወረዳ ይግባኝ ሰሚ ፍርድ ቤት (Ninth Circuit) የአሜሪካ መንግሥትን የአስቸኳይ ጊዜ ጥያቄ ተቀብሎ፣ ዳኛ ጂንሱክ ኦታ ጥቅምት 4 (14 October) የሰጡትን ትዕዛዝ ለጊዜው አግዷል። ያ ትዕዛዝ የአሜሪካ ውጭ ጉዳይ ሚኒስቴር የዲቪ-2027 የግሪን ካርድ ሎተሪን እንዲከፍት የሚያዝ ነበር።

አሁን ይህ ምን ማለት ነው

• የዲቪ-2027 ምዝገባ አልተከፈተም። ፍርድ ቤቱ ያስቀመጣቸው ቀኖች – እስከ 29 October ማሳወቅ፣ እስከ November 1 መክፈት፣ እስከ December 3 አሸናፊዎችን ማሳወቅ – ታግደዋል።
• ይግባኝ ሰሚው ፍርድ ቤት፣ ክሱን ያቀረበው የሕግ ድርጅት (Red Eagle Law) የማሸነፍ ዕድሉ ዝቅተኛ ነው ብሏል፤ ምክንያቱም የሎተሪው ሕግ የሕግ ድርጅቶችን የንግድ ጥቅም አይጠብቅም።
• ይህ የመጨረሻ ውሳኔ አይደለም። ዳኞቹ ውሳኔያቸው ምዝገባውን ዝግ ማድረግን እንደማይደግፍ ገልጸዋል። የመንግሥት ይግባኝ ይቀጥላል።
• አዲስ ቀን አልተገለጸም። የዲቪ-2028 ቀኖችም ገና አልተገለጹም።

ከዲቪ ማጭበርበር ይጠንቀቁ

• አሁን “እናስመዘግባለን” ብሎ ገንዘብ ለሚጠይቅ ማንም አይክፈሉ። ምዝገባው ዝግ ነው።
• ሎተሪው ሲከፈት ብቸኛው ይፋዊ የምዝገባ ድረ-ገጽ dvprogram.state.gov ሲሆን፣ ይፋዊው የምዝገባ ክፍያ 1 የአሜሪካ ዶላር ብቻ ነው።
• ይፋዊ መረጃዎችን በtravel.state.gov ይከታተሉ።

← ተጨማሪ የላይት ኒውስ ዜናዎች · በዩቲዩብ ይመዝገቡ · ቴሌግራም